08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ՌԴ-ն տարեսկզբից իններորդ անգամ միջուկային զենքով վարժանքներ կանցկացնի
Քաղաքականություն
18.10.2024 | 19:44
ՌԴ ռազմավարական հրթիռային ուժերի հրամանատարությունը Տվերի մարզում կանցկացնի Բոլոգովսկի հրթիռային կազմավորման ստուգում, որի շրջանակում կմշակի «Յարս» շարժական ցամաքային հրթիռային համակարգերի տեղակայումը դաշտային դիրքերում, հայտնում է ՌԴ ռազմական գերատեսչության մամուլի ծառայությունը, փոխանցում է The Moscow Times-ը։
«Շարժական հրթիռային համակարգի անձնակազմերը կիրականացնեն մինչև 100 կիլոմետր երկարությամբ երթեր՝ ցրելով ստորաբաժանումները փոփոխվող դաշտային դիրքերով և նրանց ինժեներական սարքավորումներով, կազմակերպելով քողարկում և մարտական անվտանգություն։ Հրթիռայինները ստուգումների շրջանակում պետք է լուծեն օդային հարձակման տարբեր միջոցների և դիվերսիոն-հետախուզական խմբերի հակազդման հարցեր»,- ասված է հաղորդագրության մեջ։
Զորավարժությունների հիմնական նպատակներն են ռազմավարական հրթիռային ուժերի ստորաբաժանումների ղեկավարման կետերում հրամանատարության, ինչպես նաև մարտական հերթապահության վիճակի և արդյունավետության գնահատումը։
«Ռազմավարական հրթիռները կմշակեն առաջադրանքներ և ներածական պատրաստություն, այդ թվում՝ ինտենսիվ մանևրային գործողություններ իրականացնելու մարտական պարեկային երթուղիներում»,- ընդգծել են գերատեսչությունում։
Տարեսկզբից Ռուսաստանի ՊՆ-ն ռազմավարական հրթիռային ուժերի ստորաբաժանումների մասնակցությամբ անցկացրել է առնվազն ինը վարժանք։
Թարգմանությունը՝ Տաթև Ֆռանգյանի
