07.10.2026 | 15:00
Հայտարարվել են քիմիայի ոլորտում Նոբելյան մրցանակի դափնեկիրները
Իրանի ԱԳ նախարարը հայտարարել է՝ Կովկասյան տարածաշրջանում խնդիրները պետք է լուծվեն խաղաղ ճանապարհով
Քաղաքականություն
18.10.2024 | 14:14
Տարածաշրջանում ընդհանուր ըմբռնում կա Գազայում և Լիբանանում հակամարտությունների վտանգի, փախստականների իրավիճակի և պատերազմի տարածման հնարավորության մասին։ Mehr գործակալության փոխանցմամբ՝ այս մասին լրագրողներին ասել է «3+3» հարթակի երկրների ԱԳ նախարարների հանդիպմանը Ստամբուլ ժամանած Իրանի ԱԳՆ ղեկավար Աբբաս Արաղչին։
Նշելով, որ «3+3»-ի գագաթնաժողովը կանցկացվի առանց Վրաստանի մասնակցության, Արաղչին հավելել է, որ տարածաշրջանի մնացած երկրները պատրաստակամություն են հայտնել բանակցություններ վարել և համակարգել Կովկասյան տարածաշրջանի հարցերը։
«Մենք պետք է զգույշ լինենք, որ տարածաշրջանային խնդիրները լուծվեն խաղաղ ճանապարհով, որ տարածաշրջանում անվտանգության ու քաղաքական պայմանավորվածությունները խաղաղություն և կայունություն բերեն տարածաշրջանին»,-եզրափակել է Իրանի ԱԳ նախարարը։
Թարգմանությունը՝ Էմմա Չոբանյանի
