13.12.2024 | 12:34
Մոլդովայի խորհրդարանը երկրում արտակարգ դրություն է հայտարարել Էներգետիկ ճգնաժամի պատճառով
Իսրայելի բանակը հրապարակել է ՀԱՄԱՍ-ի առաջնորդի կյանքի վերջին պահերի տեսանյութը
Քաղաքականություն
18.10.2024 | 12:09
Իսրայելի պաշտպանության բանակը տեսանյութ է հրապարակել, որում, իսրայելցի զինվորականների պնդմամբ, պատկերված է պաղեստինյան ՀԱՄԱՍ խմբավորման առաջնորդ Յահյա Սինվարը՝ սպանությունից մի քանի րոպե առաջ: Կադրերն արվել են Գազայի հատվածի հարավում գտնվող շենքերից մեկում անօդաչու թռչող սարքի կողմից։
Տեսանյութում երևում է, թե ինչպես է իսրայելական ուժերի անօդաչու թռչող սարքը թռչում կիսաքանդ տուն, որի ներսում տղամարդը նստած է բազկաթոռին, դեմքն ու գլուխը՝ ծածկված, ձեռքը՝ վիրավոր։ ՀԱՄԱՍ-ի ենթադրյալ առաջնորդը մյուս ձեռքով փայտ է նետում անօդաչու թռչող սարքի վրա, բայց վրիպում է։ Դրանից հետո տեսանյութն ընդհատվում է։
Երեկ՝ հոկտեմբերի 17-ին, իսրայելական կողմը հայտարարեց Սինվարին ոչնչացնելու մասին։ Ըստ այդ տեղեկությունների՝ նա սպանվել է դիպուկահարի կրակոցից։ ԶԼՄ-ների տվյալներով՝ ՀԱՄԱՍ-ի առաջնորդի մահը հաստատվել է ԴՆԹ-ի նախնական փորձաքննությամբ։
Իսրայելի վարչապետ Բենիամին Նեթանյահուն հայտարարել է, որ բանակը կմնա Գազայի հատվածում այնքան ժամանակ, քանի դեռ բոլոր պատանդները չեն վերադարձվել անկլավից։
Իսրայելի և ՀԱՄԱՍ-ի միջև պատերազմը շարունակվում է 2023 թվականի հոկտեմբերի 7-ից, այդ ժամանակվանից, ըստ պաղեստինյան կողմի, Գազայում զոհվել է ավելի քան 42 հազար մարդ։
Թարգմանությունը՝ Տաթև Ֆռանգյանի
