15.12.2025 | 17:35
ԿԳՄՍՆ ենթակայության 18 մասնաճյուղ-թանգարաններ կմիանան Էլեկտրոնային տոմսերի միասնական ավտոմատացված համակարգին
ՌԴ-ն գրոհել է Ուկրաինան 135 «Շահեդ»-ներով․ դրանցից երկուսն ընկել է Բելառուսի տարածքում
Քաղաքականություն
18.10.2024 | 11:53
Հոկտեմբերի լույս 18-ի գիշերը ռուսական զորքերը հարձակվել են Ուկրաինայի վրա 135 «Շահեդ» տեսակի գրոհային անօդաչու թռչող սարքերով, հայտնում է Ուկրաինայի Զինված ուժերի ռազմաօդային ուժերի հրամանատարությունը, փոխանցում է Current Time-ը։
Ուկրաինացի զինվորականները հայտնել են, որ Օդեսայի, Սումիի, Չերկասի, Կիևի, Ժիտոմիրի, Կիրովոգրադի, Չեռնիգովի, Պոլտավայի, Խմելնիցկիի, Ռիվնեի, Խարկովի, Խերսոնի, Վոլինի և Վիննիցայի շրջաններում 80 անօդաչու թռչող սարք են խոցել։
Տեղում կորել է ռուսական 44 անօդաչու թռչող սարք, ևս երկուսը թռել է Բելառուս։ Բելառուսի օդային տարածք թռչող մի քանի ԱԹՍ-ի մասին հաղորդում է «Բելառուսկի Գայուն» մոնիթորինգային նախագիծը։ «Բարանովիչի» օդանավակայանից օդ են բարձրացել երկրի ռազմաօդային ուժերի ինքնաթիռները։
«Անցած գիշեր կրկին անհանգիստ էր Կիևի բնակչության և երկրի մեծ մասի համար։ Ռուսական զորքերն իրականացրել են քաղաքացիական բնակչության ու ենթակառուցվածքների վրա անօդաչու սարքերի ամենազանգվածային գրոհներից մեկը», – ասել է Կիևի քաղաքային ռազմական վարչակազմի ղեկավար Սերգեյ Պոպկոն։
Ըստ նրա՝ քաղաքում օդային հարձակման նախազգուշացումը տևել է ավելի քան 4,5 ժամ։ Նախնական տվյալներով՝ տուժածներ չկան։
Թարգմանությունը՝ Տաթև Ֆռանգյանի
