21.01.2026 | 23:30
Ինչ իրավիճակ է Հայաստանի ճանապարհներին և Լարսում
Սկրիպալին թունավորելու մեջ կասկածվողները հարցազրույց են տվել
Քաղաքականություն
13.09.2018 | 15:47
Սերգեյ Սկրիպալի թունավորման մեջ կասկածվող Ալեքսանդր Պետրովն ու Ռուսլան Բոշիրովը հարցազրույց են տվել RT լրատվամիջոցի գլխավոր խմբագիր Մարգարիտա Սիմոնյանին: Նրանք պատմել են, որ Սալսբրի այցի պատճառը եղել է այն, որ իրենց ընկերը երկար ժամանակ համոզել է իրենց այցելել այնտեղ, քանի որ շատ գեղեցիկ քաղաք է: Նրանք Սիմոնյանին հայտնել են, որ թունավորման հետ կապ չունեն և եկել են իրենց պատմությունը պատմելու, տեղեկացնում է CNN-ը:
«Մենք այնտեղ հասել ենք մարտի 2-ին, հետո գնացել ենք գնացքի կայարան՝ ժամանակացույցը ստուգելու: Սալսբրի հասել ենք մարտի 3-ին և զբոսնել ենք քաղաքում, սակայն կես ժամ ենք մնացել, քանի որ քաղաքը ձնածածկ էր»,- ասել է Պետրովը:
Բաշիրովը պատմել է, որ իրենք «ընդամենը 1 ժամ են այնտեղ մնացել՝ մինչ գնացքի մեկնման ժամը»:
Տղամարդկանցից երկուսն էլ հերքել են որևէ տեսակի թույնի առկայության մասին: Սիմոնյանի հարցին, թե արդյոք նրանց մոտ եղե՞լ է օծանելիքի շիշ, Բաշիրովն ասել է. «Հիմարություն չէ՞ տղամարդկանց մոտ կանացի օծանելիքի առկայությունը: Մաքսատունը ամեն ինչ ստուգում է և նրանց մոտ հարց կառաջանար, թե ինչու է տղամարդկանց պայուսակում կանացի օծանելիքի շիշ: Մենք դա չենք ունեցել» :
«Մենք վախենում ենք դուրս գալ, վախենում ենք մեր ու մեր հարազատների կյանքի համար»,- ասել է Բաշիրովը:
