11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Մոսկվայի դատարանը տնային կալանքի է ենթարկել քաղաքական գործիչ Լեոնիդ Գոզմանի կնոջը՝ Մարինա Եգորովային
Քաղաքականություն
17.10.2024 | 19:23
Մոսկվայի քաղաքային դատարանը տնային կալանքի է ենթարկել քաղաքական գործիչ Լեոնիդ Գոզմանի կնոջը՝ Մարինա Եգորովային, գրում է BBC-ի ռուսական ծառայությունը։
Ըստ RT-ի՝ Մարինա Եգորովայի նկատմամբ խափանման միջոց է ընտրվել «կազմակերպված հանցավոր խմբի կազմում մշակութային արժեքների մաքսանենգության» գործով։ Գործի նյութերից հետևում է, որ Եգորովայի նկատմամբ տնային կալանք է սահմանվել հոկտեմբերի 8-ին, որոշումն ուժի մեջ է մտել։
Հոկտեմբերի 6-ին Լեոնիդ Գոզմանը Տելեգրամում հայտնել էր, որ կրճատում է իր հասարակական-քաղաքական և լրատվական գործունեությունը «մի շարք անձնական հանգամանքների պատճառով»։
Այս տարվա հուլիսին Մոսկվայի Գագարինյան դատարանը հեռակա կարգով Լեոնիդ Գոզմանին դատապարտել է 8,5 տարվա ազատազրկմկան ընդհանուր ռեժիմի գաղութում՝ ռուսական բանակի մասին «կեղծիքների» գործով։ Ըստ ՏԱՍՍ-ի աղբյուրների՝ Գոզմանի դեմ գործ հարուցելու պատճառ են դարձել ուկրաինական պատերազմի մասին սոցիալական ցանցերում նրա գրառումները։
Թարգմանությունը՝ Տաթև Ֆռանգյանի
