16.02.2026 | 23:24
Այրվել են պահեստային բաքերը և բեռնատար մեքենա. մանրամասներ Թալինի գազալցակայաններից մեկում բռնկված հրդեհից
«3+3» հարթակի նիստի մասնակիցները համատեղ հայտարարություն կընդունեն սահմանների անխախտելիության մասին
Քաղաքականություն
17.10.2024 | 16:06
Հոկտեմբերի 18-ին Ստամբուլում տեղի կունենա Հայաստանի, Ռուսաստանի, Իրանի, Թուրքիայի և Ադրբեջանի արտաքին կապերի գերատեսչությունների ղեկավարների հանդիպումը։ «3+3» հարթակի հանդիպման մասնակիցները համատեղ հայտարարություն կընդունեն, գրում է «Վեստնիկ Կավկազա»-ն։
«Հայտարարության տեքստում կընդգծվի տարածաշրջանի երկրների միջև առկա խնդիրները երկխոսության միջոցով լուծելու անհրաժեշտությունը՝ հիմնվելով ՄԱԿ-ի կանոնադրությամբ ամրագրված սկզբունքների վրա։ Կընդգծվի հակամարտությունների խաղաղ կարգավորման, ինքնիշխանության, տարածքային ամբողջականության, սահմանների անձեռնմխելիության սկզբունքի, ներքին գործերին չմիջամտելու կարևորությունը»,- հայտնել է գործակալության դիվանագիտական աղբյուրը։
Հիշեցնենք, որ «3+3» հարթակը Հարավային Կովկասում համագործակցության վեցակողմ ձևաչափ է, որը պետք է միավորեր Թուրքիան, Ադրբեջանը, Իրանը, Ռուսաստանը, Հայաստանը և Վրաստանը։ Թբիլիսին, սակայն, հրաժարվել է մասնակցել հարթակի հանդիպումներին։
Թարգմանությունը՝ Տաթև Ֆռանգյանի
