14.12.2025 | 18:20
Թաիլանդն ու Կամբոջան շարունակում են ռազմական գործողությունները
Ուկրաինան ապագայում կլինի ՆԱՏՕ-ի անդամ. Ռյուտե
Քաղաքականություն
17.10.2024 | 15:42
ՆԱՏՕ-ի գլխավոր քարտուղար Մարկ Ռյուտեն հայտարարել է, որ Ուկրաինան ապագայում կմիանա Հյուսիսատլանտյան դաշինքին՝ որպես նրա 33-րդ կամ 34-րդ անդամ։ Այս մասին Ռյուտեն ասել է Բրյուսելում ՆԱՏՕ-ի պաշտպանության նախարարների հանդիպմանը, փոխանցում է Европейская правда-ն։
«Այս պահին, կարծես թե, Ուկրաինան կլինի 33-րդ անդամը։ Բայց միգուցե նրանից առաջ մեկ ուրիշը հայտնվի։ Բայց Ուկրաինան ապագայում կլինի ՆԱՏՕ-ի անդամ։ Սա այն է, ինչ մենք որոշեցինք Վաշինգտոնում։ Ուստի հարցն այժմ վերաբերում է ժամանակագրությանը»,- ՆԱՏՕ-ի ղեկավարի խոսքերն է մեջբերում պարբերականը։
Նա, սակայն, անդամակցության ժամկետ չի նշել։
«Եթե կա կոնկրետ հարց՝ «ե՞րբ», ես այս պահին չեմ կարող պատասխանել: Բայց մենք աշխատում ենք բոլոր ոլորտների ուղղությամբ, որպեսզի իրականում նրանք մի օր դառնան ՆԱՏՕ-ի անդամ»,- հավելել է Ռյուտեն։
Ուկրաինայի նախագահ Վլադիմիր Զելենսկին նախօրեին Գերագույն ռադային է ներկայացրել իր «հաղթական ծրագիրը», որը ներառում է Ուկրաինային ՆԱՏՕ-ի հրավեր։ Այսօր նա Բրյուսելում կներկայացնի իր ծրագիրը։
Թարգմանությունը՝ Տաթև Ֆռանգյանի
