21.02.2026 | 18:08
Հունգարիան արգելափակել է Ուկրաինային ԵՄ-ի կողմից 90 մլրդ եվրո վարկի հատկացումը
Իրանը նախազգուշացրել է՝ «ցավալի» հարված կհասցվի Իսրայելին, եթե հարձակում իրականացվի իրանական օբյեկտների վրա
Քաղաքականություն
17.10.2024 | 16:21
Իրանի Իսլամական հեղափոխության պահապանների կորպուսի (ԻՀՊԿ) ղեկավար Հոսեյն Սալամին նախազգուշացրել է Իսրայելի դեմ հետագա պատասխան միջոցների մասին, եթե նա հարձակվի իրանական օբյեկտների վրա, ինչն Իսրայելը խոստացել է անել հոկտեմբերի 1-ին Իրանի հրթիռային հարձակումից հետո։ Այս մասին գրում է Al Arabiya-ն՝ վկայակոչելով AFP-ին։
«Եթե դուք սխալվեք և հարձակվեք մեր թիրախների վրա՝ լինի դա տարածաշրջանում, թե Իրանում, մենք կրկին ցավոտ հարված կհասցնենք ձեզ»,- ասել է Սալամին անցյալ ամիս Լիբանանում «Հըզբոլլահի» ղեկավար Հասան Նասրալլայի հետ սպանված Իսլամական հեղափոխության պահապանների կորպուսի գեներալի հուղարկավորության ժամանակ:
Իսլամական հեղափոխության պահապանների կորպուսի «Քուդս» ուժերի արտաքին օպերացիաների ստորաբաժանման բարձրագույն հրամանատար Աբբաս Նիլֆորուշանը սպանվել էր սեպտեմբերի 27-ին «Հըզբոլլահի» ղեկավար Հասան Նասրալլայի հետ՝ Բեյրութի հարավում իսրայելական հարվածի ժամանակ:
Սալամին «անվստահելի» է անվանել THAAD հրթիռային պաշտպանության մարտկոցը, որը, ըստ Պենտագոնի, Իսրայել է ուղարկվել շուրջ 100 ամերիկացի զինվորականների հետ միասին։
«Մի վստահեք այս համակարգերին: Դուք չեք կարող ոչնչացնել մահմեդական ազգերին և մնալ անվտանգ։ Մենք գիտենք ձեր թույլ կողմերը»,- հայտարարել է իրանցի բարձրաստիճան զինվորականը։
Թարգմանությունը՝ Էմմա Չոբանյանի
