09.09.2026 | 11:33
Ցինիկ հարցադրումներ է կատարում, որևէ հարցի չեմ պատասխանելու․ Մանավազյանը՝ Էդգար Ղազարյանին․ ՏԵՍԱՆՅՈւԹ
ՀՖՖ-ն արձագանքել է Բերեզովսկու՝ ազգային հավաքականի գլխավոր մարզչի պաշտոնում հնարավոր նշանակման մասին լուրերին
17.10.2024 | 11:22
Հայաստանի ֆուտբոլի ֆեդերացիայի (ՀՖՖ) մամուլի քարտուղար Հայկ Կարապետյանը «Матч ТВ»-ին ասել է, որ ֆեդերացիան չի ցանկանում քննարկել ազգային հավաքականի գլխավոր մարզչի պաշտոնի թեկնածուների մասին լուրերը․ գրում է armsport-ը։
«Հայաստանի ֆուտբոլի ֆեդերացիան չի մեկնաբանում Հայաստանի հավաքականի գլխավոր մարզչի պաշտոնում այս կամ այն մասնագետի նշանակման հետ կապված տարաբնույթ լուրերը»,- ասել է Կարապետյանը «Матч ТВ»-ին։
Հիշեցնենք, որ կիրակի օրը՝ հոկտեմբերի 13-ին Ալեքսանդր Պետրակովն ազատվել է Հայաստանի ազգային հավաքականի գլխավոր մարզչի պաշտոնից։
Ավելի վաղ մամուլում տեղեկություն էր հայտնվել, որ ազգային հավաքականը կարող է գլխավորել Հայաստանի ազգային հավաքականի նախկին դարպասապահ Ռոման Բերեզովսկին։
