14.12.2025 | 17:25
Իրավիճակը ճանապարհներին՝ 17։15-ի դրությամբ
Ռուսական կողմն ԱԹՍ-ներով հարվածել է Ուկրաինային․ Կիևում բազմաբնակարան շենք է վնասվել
Քաղաքականություն
17.10.2024 | 12:09
Հոկտեմբերի 16-ի լույս 17-ի գիշերը ռուսական կողմն անօդաչու թռչող սարքերով հարվածներ է հասցրել Ուկրաինային։ Կիևում բազմաբնակարան շենք է վնասվել, հաղորդում է Current Time-ը։
Կիևի ռազմական վարչակազմի ղեկավար Սերգեյ Պոպկոն հայտնել է, որ անօդաչու թռչող սարքի հարձակման հետևանքով մայրաքաղաքի Դեսնյանսկի թաղամասում բնակելի շենքի երեք հարկերում վնասվել են «ապակիներն ու սենյակների ներքին հարդարանքը»։ Տուժածների մասին տեղեկություններ չկան։
Գիշերվա ընթացքում Կիևում օդային հարձակման տագնապ է հայտարարվել չորս անգամ, ընդհանուր առմամբ, այն տևել է 3,5 ժամ, ասել է ռազմական վարչակազմի ղեկավարը։
Ուկրաինայի զինված ուժերի ռազմաօդային ուժերի հայտարարության մեջ նշվում է, որ հոկտեմբերի լույս 17-ի գիշերը ռուսական կողմը 56 անօդաչու թռչող սարքերով և մեկ հրթիռով հարվածել է Ուկրաինայի տարածքին։
Թարգմանությունը՝ Տաթև Ֆռանգյանի
