09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
ԱՄՆ-ն ավիահարվածներ է հասցրել Եմենի հութիների զենքի ստորգետնյա պահեստներին
Քաղաքականություն
17.10.2024 | 12:29
ԱՄՆ-ը հարվածներ է հասցրել Եմենում հութիների զենքի ստորգետնյա հինգ պահեստներին։ Այս մասին հայտարարել է Պենտագոնի ղեկավար Լլոյդ Օսթինը՝ նշելով, որ դրանք պարունակել են տարբեր տեսակի «զենքի բաղադրիչներ», որոնք հութիներն օգտագործել են տարածաշրջանում քաղաքացիական և ռազմական նավերի վրա հարձակվելու համար, գրում է DW-ի ռուսական ծառայությունը։
Ըստ Օսթինի՝ գործողությանը մասնակցել են ԱՄՆ ռազմաօդային ուժերի B-2 Spirit ռազմավարական ռմբակոծիչները:
«Սա Միացյալ Նահանգների կարողությունների եզակի ցուցադրություն էր՝ հարվածելու օբյեկտներին, որոնք մեր հակառակորդները փորձում են հեռու պահել հարվածներին, անկախ նրանից՝ որքան խորն են դրանք գետնի տակ, պաշտպանված կամ ամրացված»,- ասվում է ամերիկյան կողմի հայտարարության մեջ։
2023 թվականի հոկտեմբերից Եմենի հութիները, որոնք Իրանի գլխավորած «դիմադրության առանցքի» մի մասն են՝ ուղղված Իսրայելի դեմ, պարբերաբար հարձակվում են Արաբական ծովում և Բաբ ալ-Մանդեբի նեղուցում Իսրայելի հետ ենթադրաբար կապ ունեցող օտարերկրյա նավերի վրա:
Թարգմանությունը՝ Էմմա Չոբանյանի
