08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Հյուսիսկորեացի հաքերները 3 միլիարդ դոլար են գողացել միջուկային ծրագրի ֆինանսավորման համար
Քաղաքականություն
17.10.2024 | 13:10
Հյուսիսային Կորեայի հաքերները 2017 թվականից ի վեր շուրջ 3 միլիարդ դոլար արժողությամբ կրիպտոարժույթներ են գողացել։ Այս մասին ասվում է Microsoft-ի 2024 թվականի կիբերանվտանգության զեկույցում: Գողացված գումարներն օգտագործվել են Փհենյանի միջուկային ծրագրի ֆինանսավորման համար, գրում է DW-ի ռուսական ծառայոթյունը։
Microsoft-ն ընդգծել է, որ այդ միջոցները ծածկում են միջուկային զենք ստեղծելու համար Հյուսիսային Կորեայի ծախսերի կեսից ավելին։ Միայն 2023 թվականին հաքերները 600 միլիոնից 1 միլիարդ դոլար են գողացել։
Զեկույցում նաև ասվում է, որ անցյալ տարվանից ընկերությունը հայտնաբերել է հյուսիսկորեական մի քանի նոր խմբեր։ Թվերի աճը, ըստ վերլուծաբանների, կարող է ցույց տալ, որ Կիմ Չեն Ընի ռեժիմն ընդլայնում է իր ներգրավվածությունը շորթման հետ կապված հաքերային գործողություններում:
Բացի Հյուսիսային Կորեայից՝ հաքերային միջավայրում ակտիվ են Ռուսաստանից, Չինաստանից և Իրանից խմբերը, նշում է Microsoft-ը։
Թարգմանությունը՝ Տաթև Ֆռանգյանի
