09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Ալիևի օգնականը հայտարարել է, թե COP29-ից առաջ «արշավ է իրականացվում Ադրբեջանի դեմ»
Քաղաքականություն
17.10.2024 | 11:13
Ադրբեջանի նախագահ Իլհամ Ալիևի արտաքին քաղաքական հարցերվ օգնական Հիքմեթ Հաջիևն ամերիկյան Newsweek ամսագրում հոդված է հրապարակել՝ ադրբեջանական քարոզչական թեզերով արձագանքելով COP29-ը Բաքվում անցկացնելու վերաբերյալ միջազգային կազմակերպությունների մտագոհություններին ու քննադատություններին, որոնք «Արևմուտքում Բաքվի դեմ սկսված արշավ» է անվանել։
Իր հոդվածում Հաջիևը նշել է, թե Հայաստանի հետ երկկողմ բանակցություններում վերջին երեք տարիների ընթացքում ավելի շատ արդյունքներ են գրանցվել, քան միջազգային դերակատարների մասնակցությամբ բանակցություններում։ Ըստ նրա՝ խաղաղությունը փաստացի իրականություն է դարձել, սակայն դեռևս լուրջ խոչընդոտներ կան, որոնցից մեկը «Հայաստանի Սահմանադրությունն է, որը կոչ է անում Ղարաբաղի տարածաշրջանը միացնել Հայաստանին»։
«Երկրորդ՝ մեզ մտահոգում է Ֆրանսիայի և արևմտյան այլ երկրների կողմից Հայաստանի ինտենսիվ ռազմականացումը։ Նմանապես, մենք անբարոյական ենք համարում դաշտային հրամանատարներին ազատ արձակելու կոչերը, որոնք նողկալի հանցագործություններ են կատարել ադրբեջանցի խաղաղ բնակիչների նկատմամբ»,- գրել է Հաջիևը։
Ադրբեջանցի պաշտոնյան գրել է, թե «կան մի քանի Հայաստաններ՝ պաշտոնական կառավարությունը, քաղաքական ընդդիմությունն ու Սփյուռքը», որոնք, իբր, «COP29-ի նախօրեին միավորել և հարձակվել են Ադրբեջանի վրա՝ արշավ իրականացնելով Բաքվի դեմ»։
Թարգմանությունը՝ Էմմա Չոբանյանի
