21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Շոլցը հայտարարել է Պուտինի հետ բանակցությունների պատրաստակամության մասին
Քաղաքականություն
16.10.2024 | 20:21
Գերմանիայի կանցլեր Օլաֆ Շոլցը Բունդեսթագում ունեցած ելույթում հայտարարել է ՌԴդ նախագահ Վլադիմիր Պուտինի հետ բանակցություններ վարելու պատրաստակամության մասին՝ Ուկրաինայում «արդար խաղաղության» շուրջ, գրում է T-online-ը։
Շոլցը հիշեցրել է, որ Վլադիմիր Զելենսկին հայտարարել է նաև ռուսական կողմի մասնակցությամբ խաղաղության համաժողով անցկացնելու անհրաժեշտության մասին։
«Այնպես որ, եթե հարց առաջանա՝ արդյո՞ք մենք կխոսենք Ռուսաստանի նախագահի հետ, մենք պատասխանում ենք՝ այո, դա նույնպես հնարավոր է»,- ասել է Շոլցը։
Նա նշել է, որ «Ուկրաինայի թիկունքում որոշումներ չպետք է կայացվեն», միաժամանակ, հավելել՝ այնուամենայնիվ, եկել է ժամանակը, երբ «բացահայտ աջակցությունից բացի»՝ արևմտյան առաջնորդները պետք է ամեն ինչ անեն՝ հասկանալու, թե ինչպես պետք է դադարեցնեն պատերազմը:
Շոլցը նաև հիշեցրել է, որ բազմաթիվ ռուս զինվորներ նույնպես դառնում են Պուտինի քաղաքականության զոհը, որն ուղղված է իր երկրի ընդլայնմանը։
«Սա մի բան է, որը չպետք է կրկնվի Եվրոպայում»,- եզրափակել է Գերմանիայի կառավարության ղեկավարը։:
Թարգմանությունը՝ Տաթև Ֆռանգյանի
