08.10.2026 | 11:33
Դատախազությունը պահանջում է ազատել Աբովյան 8/1-ի անշարժ գույքը ընկերության ապօրինի տիրապետումից
Իսրայելական բանակը վեցօրյա ընդմիջումից հետո վերսկսել է հարվածները Բեյրութի ուղղությամբ
Քաղաքականություն
16.10.2024 | 19:12
Իսրայելի պաշտպանության բանակը հայտարարել է Բեյրութի արվարձանում գտնվող լիբանանյան «Հըզբոլլահ» շարժման ստորգետնյա պահեստին հարվածելու մասին։ Նախորդ անգամ իսրայելական կողմը Լիբանանի մայրաքաղաքի վրա հարձակումների մասին հայտարարել էր հոկտեմբերի 10-ին։
«Որոշ ժամանակ առաջ Իսրայելի ռազմաօդային ուժերը հարձակվել են «Հըզբոլլահ»-ին պատկանող ռազմավարական զենքերով պահեստի վրա։ Այն գտնվում է Դահիե թաղամասում՝ Բեյրութում «Հըզբոլլահի» առանցքային հենակետերից մեկում»,- հայտնել է իսրայելական բանակը Telegram-ում:
Իսրայելի բանակը, ընդհանուր առմամբ, խոցել է լիբանանյան 140 թիրախ: Դրանք ներառում են զենքի պահեստներ, արձակման կայաններ և այլ «ահաբեկչական ենթակառուցվածքներ»:
«Հըզբոլլահը» հայտարարել է Իսրայելի հյուսիսում չորս հրթիռային հարձակումների մասին, հայտնում է Al Jazeera-ն։ Շարժման տվյալներով՝ հարձակման են ենթարկվել իսրայելական հրետանու դիրքերը։ Իսրայելի պաշտպանության բանակը հայտնել է, որ 50 արկ է արձակվել Լիբանանից։
Սեպտեմբերի 23-ին Իսրայելը հայտարարել է Լիբանանում «Հյուսիսի նետեր» օպերացիայի մեկնարկի մասին։ Հոկտեմբերի 1-ին Իսրայելի պաշտպանության բանակը հարձակողական գործողություն է սկսել երկրի հարավում։ Գործողության նպատակն է վերացնել «Հըզբոլլահի» սպառնալիքը՝ 60 հազար տարհանված իսրայելցիներին հյուսիսի սահմանային բնակավայրեր անվտանգ վերադարձնելու համար։
Թարգմանությունը՝ Տաթև Ֆռանգյանի
