23.06.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Իլոն Մասկը 75 միլիոն դոլար է նվիրաբերել Թրամփի քարոզարշավին
Քաղաքականություն
16.10.2024 | 16:53
Ամերիկացի միլիարդատեր, Tesla-ի և SpaceX-ի հիմնադիր Իլոն Մասկը երեք ամսվա ընթացքում 75 միլիոն դոլար է նվիրաբերել America PAC կազմակերպությանը, որը նախագահական ընտրություններում աջակցում է պետության նախկին ղեկավար, նախագահի հանրապետական թեկնածու Դոնալդ Թրամփին։ Այս մասին է վկայում ԱՄՆ Դաշնային ընտրական հանձնաժողովի (FEC) հրապարակած փաստաթուղթը, գրում է DW-ի ռուսական ծառայությունը։
Այդ միջոցների մեծ մասը՝ 72 միլիոն դոլարը, փոխանցվել է 2024 թվականի հուլիսից սեպտեմբեր ընկած ժամանակահատվածում, ընդ որում, այդ երեք ամիսների ընթացքում Մասկը եղել է America PAC-ի քարոզարշավի միակ դոնորը։
The Washington Post-ը կազմակերպությունն անվանում է «քաղաքական գործողությունների կոմիտե, որը ձևավորվել է միլիարդատեր Իլոն Մասկի կողմից՝ Դոնալդ Թրամփի օգտին քարոզչության համար»:
Թարգմանությունը՝ Տաթև Ֆռանգյանի
