16.10.2024 | 14:17
ՌԴ-ի և Թուրքիայի ԱԳ փոխնախարարները քննարկել են «3+3» հարթակում համագործակցությունը և Հարավային Կովկասում իրավիճակը
Ռուսական կողմի հարվածից ուկրաինական Տերնոպոլում արդյունաբերական ձեռնարկությունում հրդեհ է բռնկվել
Քաղաքականություն
16.10.2024 | 11:58
Հոկտեմբերի 15-ի լույս 16-ի գիշերը ռուսական կողմն անօդաչու սարքերով հարվածներ է հասցրել Ուկրաինային։ Կիևի տվյալներով՝ երկրի տարածքում գրանցվել է 136 անօդաչու թռչող սարք։ Հրդեհ է բռնկվել Տերնոպոլի շրջանի արդյունաբերական ձեռնարկությունում, փոխանցում է Current Time-ը։
Ըստ Ուկրաինայի ռազմաօդային ուժերի՝ Կիևի, Սումիի, Չերկասի, Կիրովոգրադի, Տերնոպոլի, Խերսոնի, Խարկովի, Ժիտոմիրի, Դոնեցկի, Դնեպրոպետրովսկի, Նիկոլաևի, Պոլտավայի, Չեռնիգովի և Չեռնովցի շրջաններում հնարավոր է եղել խոցել 51 անօդաչու թռչող սարք։ Եվս 60 անօդաչու թռչող սարք «լոկացիոն առումով անհետացել է տարբեր շրջաններում»։
Տերնոպոլի շրջանային վարչակազմի ղեկավար Վյաչեսլավ Նեգոդան հայտնել է, որ արդյունաբերական օբյեկտում բռնկված հրդեհը մարվել է, զոհեր և վիրավորներ չկան։
ՌԴ ՊՆ-ն ավելի վաղ հայտնել էր, որ երեք ուկրաինական անօդաչու թռչող սարք է խոցել Բելգորոդի և Վորոնեժի շրջաններում։
Թարգմանությունը՝ Տաթև Ֆռանգյանի
