09.09.2026 | 12:23
Ուկրաինական ԱԹՍ-ները գրոհել են Նովոռոսիյսկը․ զոհվել է 4, վիրավորվել՝ 29 մարդ
ՔՊ-ի նիստը հետաձգվել է
Քաղաքականություն
15.10.2024 | 19:23
«Քաղաքացիական պայմանագիր» կուսակցության վարչության՝ այսօր նախատեսված նիստը հետաձգվել է։ Այս մասին Factor.am-ին փոխանցեցին կուսակցության գրասենյակից։
Հիշեցնենք, որ այսօր իշխող ուժը քննարկելու էր արդարադատության նախարարի թեկնածուի հարցը։ Նախարարի պաշտոնը թափուր է հոկտեմբերի 1-ից։
Նախօրեին վարչապետի ընտանիքին պատկանող «Հայկական ժամանակ» կայքը հրապարակել էր արդարադատության նախարարի հավանական թեկնածուների անուններ՝ Երևանի փոխքաղաքապետ Սուրեն Գրիգորյան, ՔՊ խմաբկցության պատգամավոր Արմեն Խաչատրյան և վարչապետի մամուլի խոսնակ Նազելի Բաղդասարյան։ Ըստ կայքի՝ կուսակցության առաջիկա վարչության նիստում, հավանաբար, նրանից մեկը կընտրվի արդարադատության նախարար:
Նշենք նաև, որ փաստաբան Ալեքսանդր Սիրունյանի անունը ևս շրջանառվում է նախարարի պաշտոնի համար․ Factor TV-ի հետ զրույցում նա հաստատել է տեղեկությունը։
