18.07.2026 | 20:02
Հնդկաստանը տիեզերք է արձակել առաջին մասնավոր հրթիռը
Իսրայելական բանակը մեկ օրում 230 թիրախ է խոցել Լիբանանում ու Գազայում
Քաղաքականություն
15.10.2024 | 19:20
Վերջին 24 ժամվա ընթացքում Իսրայելի Պաշտպանության բանակը (IDF) խոցել է ավելի քան 200 թիրախ Լիբանանում և Գազայի հատվածում, հայտնում է բանակի Telegram ալիքը։
«Իսրայելի պաշտպանական ուժերը շարունակում են իրենց օպերատիվ գործունեությունը Լիբանանի հարավում և Գազայի հատվածում՝ վերջին 24 ժամվա ընթացքում խոցելով ավելի քան 230 թիրախ»,- ասվում է հաղորդագրության մեջ։
Միաժամանակ Իսրայելի պաշտպանության բանակը պարզաբանել է, որ ավելի քան 200 հարված է հասցվել լիբանանյան շիական «Հըզբոլլահ» շարժման թիրախներին։ Ինչպես հաղորդում է «Ալ Ջազիրա» հեռուստաալիքը, «Հըզբոլլահ»-ի մարտիկներն իրենց հերթին հրթիռներ են արձակել Լիբանանում և Իսրայելի հյուսիսում գտնվող իսրայելական զորքերի ուղղությամբ։
Հոկտեմբերի 1-ից Իսրայելի պաշտպանության բանակը ցամաքային գործողություն է իրականացնում «Հըզբոլլահ»-ի ուժերի դեմ և շարունակում է օդային ռմբակոծությունները Լիբանանի վրա, որտեղ արդեն ավելի քան երկու հազար մարդ է զոհվել, իսկ ավելի քան մեկ միլիոն մարդ դարձել է փախստական։ Մասնավորապես, Բեյրութի ուղղությամբ իսրայելական ավիահարվածներից հետո սպանվել են «Հըզբոլլահ»-ի գլխավոր քարտուղար Հասան Նասրալլան և կազմակերպության բազմաթիվ բարձրաստիճան հրամանատարներ։
Թարգմանությունը՝ Տաթև Ֆռանգյանի
