21.02.2026 | 20:00
Ինչպես է Հայաստանն առաջին անգամ ստացել UWW-ի մրցաշար անցկացնելու հնարավորություն․ զրույց Վլադիմիր Հովհաննիսյանի հետ
ՌԴ-ն հետախուզում է հայտարարել Mr. Freeman-ի հեղինակ Պավել Մունտյանի նկատմամբ
Քաղաքականություն
15.10.2024 | 13:46
ՌԴ իշխանությունները մուլտիպլիկատոր, Mr. Freeman հեռուստասերիալի ստեղծող Պավել Մունտյանի նկատմամբ միջազգային հետախուզում են հայտարարել, գրում է Current Time-ը։
«Մեղադրյալ Մունտյան Պ.Ա.-ի նկատմամբ հայտարարվել է միջազգային հետախուզում, քանի որ օպերատիվ տեղեկություններ են ստացվել, որ մեղադրյալը գտնվում է Ռուսաստանի Դաշնությունից դուրս»,- ասվում է փաստաթղթերից մեկում։
Սեպտեմբերին Մոսկվայի Խորոշևսկի շրջանային դատարանը Մունտյանին հեռակա դատապարտել էր ութ տարվա ազատազրկման՝ ռազմական կեղծիքների գործով (Քրեական օրենսգրքի 207.3-րդ հոդվածի 2-րդ մասի «դ» կետ):
Ծաղրանկարչի դեմ գործը բացվել է 2023 թվականի հոկտեմբերին։ Մեղադրանքի պատճառ է դարձել նրա գրառումը «ուկրաինական Բուչայում ռուսական բանակի հանցագործությունների մասին»։ Այն հրապարակվել է մուլտիպլիկատորի Տելեգրամ ալիքում 2022 թվականի ապրիլին։
Դեկտեմբերի վերջին նրա նկատմամբ հետախուզում էր հայտարարվել։ Փետրվարին Մոսկվայի Խորոշևսկի շրջանային դատարանը հեռակա ձերբակալել էր Մունտյանին։ Վերջին տարիներին Մունտյանը բնակվում է Կիպրոսում։
Թարգմանությունը՝ Տաթև Ֆռանգյանի
