23.06.2026 | 04:51
ԱԱ-2026. Մբապեի դուբլն ու Ֆրանսիայի վստահ հաղթանակը. ՏԵՍԱՆՅՈՒԹ
Պուտինը գիտի՝ ով է թունավորել Սկրիպալին
Քաղաքականություն
13.09.2018 | 12:23
ՌԴ նախագահ Վլադիմիր Պուտինը հայտարարել է, որ Ռուսաստանի նախկին գործակալ Սերգեյ Սկրիպալին ու նրա դստերը թունավորողներին հայտնաբերել են, ու նրանք հանցագործներ չեն. փոխանցում է edition.cnn.com-ը:
Պուտինն ասել է, որ Ռուսաստանը բացահայտել է զույգի իսկությունը և որևէ հանցանք չի գտել:
«Մենք, իհարկե, հետաքննել ենք, թե ինչպիսի մարդիկ են նրանք և գիտենք, թե ովքեր են»,- ասել է Պուտինը Արևմտյան տնտեսական ֆորումի ժամանակ ու հավելել. «Վստահեցնում եմ Ձեզ՝ արտասովոր կամ հանցավոր որևէ բան չկա: Երբ նրանք հանրության առաջ դուրս գան ու պատմեն իրենց պատմությունը, պարզ կլինի, որ հանցագործներ չեն»:
Պուտինն առաջարկել է զույգին հրապարակավ բացահայտել իրենց իսկությունը:
Հայտարարությունից ժամեր անց Russia 24-ը հայտնել է, որ իր թղթակիցը կապնվել է կասկածյալներից մեկի՝ Պետրովի հետ: Վերջինս հրաժարվել է որևէ մեկնաբանություն տալ, բայց ասել է, որ «ավելի ուշ, գուցե մյուս շաբաթ կխոսի»:
Պետրովը թղթակցին հայտնել է նաև, որ ինքը որևէ գաղտնի այց չի կատարել Լոնդոն՝ Սկրիպալին թունավորելու միտումով:Ըստ Russia 24-ի, Պետրովն աշխատում է «Վիրիոն» դեղագործական ընկերությունում:Հիշեցնենք, որ Սկրիպալին ու նրա դստերը հայտնաբերել էին մարտի 4-ին Անգլիայի Սալսբերի քաղաքում՝ այգու նստարանին՝ անգիտակից վիճակում:
