30.04.2026 | 12:10
Ադրբեջանով հացահատիկ է գալիս ՀՀ // «Խաղաղության խորհրդի» կանոնադրությունը հաստատվեց․ ԼՈՒՐԵՐ
Միայնակ գայլը՝ Արայիկ Խանդոյանը, տուժող է ճանաչվել
Հասարակություն
12.07.2017 | 15:01
«Սասնա-ծռերի» գործով ամբաստանյալ Արայիկ Խանդոյանը՝ Միայնակ գայլը, Ավան և Նոր Նորք վարչական շրջանների ընդհանուր իրավասության դատարանում ծեծի ենթարկվելու գործով տուժող է ճանաչվել։ Այս մասին լրագրողներին հայտնեց Արայիկ Խանդոյանի պաշտպան Արա Ղարագյոզյանը։
Պաշտպանը տեղեկացրեց նաև, որ տուժող է ճանաչվել նույն գործով մեկ այլ ամբաստանյալ՝ Մխիթար Ավետիսյանը, ում շահերը ներկայացնում է փաստաբան Ինեսսա Պետրոսյանը։
Հիշեցնենք, որ հունիսի 28-ին դատարանում ոստիկանի համազգեստով 15 անձ դաժան ծեծի էին ենթարկել «Սասնա ծռեր» խմբավորման անդամ Արայիկ Խանդոյանին, ինչպես նաև դատարանի վարչական շենք տեղափոխված «Սասնա-ծռերի» գործով մի շարք ամբաստանյալների:
Ըստ հայտարարությունների՝ նրանց նկատմամբ բռնություն էին գործադրել ոստիկանները։ ՀՀ հատուկ քննչական ծառայությունում դեպքի առթիվ հարուցվել է քրեական գործ՝ ՀՀ քրեական օրենսգրքի 309-րդ հոդվածի 2-րդ կետի հատկանիշներով։ Մինչդեռ փոխոստիկանապետ Անուբախ Համբարյանը պնդել էր, որ ոստիկանները չեն ծեծել «Սասնա ծռերին»:
Նշենք նաև Human Rights Watch միջազգային իրավապաշտպան կազմակերպությունը միջադեպի առնչությամբ հայտարարություն էր տարածել՝ նշելով, որ իշխանությունները պարտավոր են շտապ, մանրակրկիտ և արդյունավետ քննություն իրականացնել ծեծի մասին պնդումների վերաբերյալ և պատասխանատվության ենթարկել մեղավորներին:
