09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
ՌԴ-ն յոթ հարված է հասցրել Ուկրաինայի Նիկոլաևի մարզին С-300/400 հրթիռներով
Քաղաքականություն
15.10.2024 | 11:19
ՌԴ-ն այս գիշեր հերթական գրոհն է ձեռնարկել Ուկրաինայի ուղղությամբ՝ օգտագործելով 17 հարվածային ԱԹՍ, իսկ Նիկոլաևի մարզին հարված է հասցվել յոթ С-300/400 զենիթային կառավարվող հրթիռներով։ Զոհվել է մի կին, 16 մարդ վիրավորվել է։ Չեռնիգովի ու Սումի մարզերի ուղղությամբ արձակվել է կառավարվող Х-59 ավիացիոն երկու հրթիռ։ Այս մասին BBC-ի ռուսական ծառայության փոխանցմամբ՝ հայտնել է Ուկրաինայի ԶՈւ օդային ուժերը։
Զեկույցի համաձայն՝ յոթ մարզերում հաջողվել է խոցել 12 ԱԹՍ։
Նիկոլաևի շրջանային ռազմական վարչակազմի ղեկավար Վիտալի Կիմը նույնպես ավելի վաղ հայտնել էր, որ Նիկոլաևի շրջանում նախ երեք «Շահեդ» անօդաչու թռչող սարք են խոցել, իսկ հետո ժամը 2:30-ի սահմաններում Նիկոլաև քաղաքը հարձակման է ենթարկվել C-300 հրթիռներով։ Ռուս զինվորականները չեն մեկնաբանել այս լուրերը։
Թարգմանությունը՝ Տաթև Ֆռանգյանի
