09.09.2026 | 13:07
Օդի ջերմաստիճանը Հայաստանում կբարձրանա 6-8 աստիճանով
ՆԱՏՕ-ն ամենամյա միջուկային զորավարժություններ է սկսել
Քաղաքականություն
14.10.2024 | 22:42
ՆԱՏՕ-ն սկսել է ամենամյա Steadfast Noon միջուկային զորավարժությունները, որոնք կտևեն երկու շաբաթ։ Այս մասին տեղեկանում ենք Հյուսիսատլանտյան դաշինքի պաշտոնական կայքից։
«2024 թվականի հոկտեմբերի 14-ին ՆԱՏՕ-ն սկսում է իր ամենամյա «Steadfast Noon» միջուկային զորավարժությունը, որին կներգրավվի ավելի քան 60 ինքնաթիռ»,- ասվում է հայտարարության մեջ։
Դաշինքի տվյալներով՝ ուսումնական թռիչքներ կիրականացվեն հիմնականում Արևմտյան Եվրոպայի ու Հյուսիսային ծովի վրայով։ Զորավարժություններին կմասնակցեն նաև կործանիչներ, որոնք կարող են կրել ԱՄՆ միջուկային մարտագլխիկները, սակայն ուսումնական առաքելությունների շրջանակում միջուկային զենք չի բեռնվի ինքնաթիռների վրա։
Steadfast Noon զորավարժություններին կներգրավվեն նաև շուրջ 2000 զինծառայողներ ութ ավիաբազաներից:
Պարզաբանվում է, որ նման միջուկային զորավարժություններ նախատեսված են և անցկացվում են ամեն տարվա հոկտեմբերին։
Թարգմանությունը՝ Տաթև Ֆռանգյանի
