06.04.2026 | 13:58
Ուկրաինական ԱԹՍ-ները հարձակվել են Կրասնոդարի մարզի վրա
ՌԴ-ն հայտնել է պատերազմի սկզբից ի վեր երկրի սահմանամերձ շրջաններում գրեթե 400 մահվան մասին
Քաղաքականություն
14.10.2024 | 23:14
2022-2024 թվականներին Բելգորոդի, Կուրսկի և Բրյանսկի մարզերում զոհվել է 398 մարդ, վիրավորվել՝ 1157-ը։ BBC-ի ռուսական ծառայության փոխանցմամբ՝ այս մասին ասել է Ռուսաստանում մարդու իրավունքների հանձնակատար Տատյանա Մոսկալկովան։
Մահացածների մեծ մասը, ըստ իշխանությունների, Բելգորոդի շրջանում են: Հուլիսին Բելգորոդի նահանգապետ Վյաչեսլավ Գլադկովը հայտնել էր, որ ավելի քան 2,5 տարվա ընթացքում այդ շրջանում ավելի քան 200 մարդ է մահացել։
Ռուսաստանի սահմանամերձ շրջանները, ինչպես և հարևան ուկրաինական շրջանները, մշտապես ենթարկվում են հրետակոծությունների և անօդաչու սարքերի հարձակումների։
Իսկ Կուրսկի մարզի մի քանի շրջաններում, ուր օգոստոսի սկզբին ներխուժեցին ուկրաինական զինված ուժերը, թեժ մարտեր են ընթանում։
Մոսկալկովայի խոսքով՝ Կուրսկի շրջանից Մոսկվայի մարզ է տեղափոխվել հոգեկան խանգարում ունեցող 500 մարդ։
Թարգմանությունը՝ Տաթև Ֆռանգյանի
