26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
Շրի Լանկան կդիմի BRICS-ին անդամակցելու համար
Քաղաքականություն
14.10.2024 | 19:14
Շրի Լանկան որոշել է անդամակցության հայտ ներկայացնել BRICS-ին և Նոր զարգացման բանկին։ ՌԻԱ Նովոստիի փոխանցմամբ՝ այս մասին հայտարարել է երկրի արտաքին գործերի նախարար Վիջիթա Հերաթը Կոլոմբոյում դիվանագիտական կորպուսի հետ հանդիպմանը։
«Շրի Լանկան որոշել է դիմել BRICS-ին և Նոր զարգացման բանկին միանալու համար։ Ես արդեն նամակներ եմ ուղարկել BRICS-ի անդամ երկրների իմ գործընկերներին՝ աջակցության խնդրանքով»,- ասվում է Հերաթի հայտարարության մեջ, որը հրապարակել է Շրի Լանկայի ԱԳՆ-ն։
Նախարարը նշել է, որ ո՛չ ինքը, ո՛չ նախագահը չեն կարողանա մասնակցել BRICS Outreach-ի գագաթնաժողովին, որը կկայանա Կազանում հոկտեմբերի 23-24-ը՝ կապված առաջիկա խորհրդարանական ընտրությունների հետ։
«Արտաքին գործերի նախարարության ներկայացուցիչը կներկայացնի Շրի Լանկան և պաշտոնապես կհայտարարի մեր անդամակցության խնդրանքի մասին»,- հավելել է արտգործնախարարը։
Նա նաև նշել է, որ Շրի Լանկան BRICS-ը դիտարկում է որպես արդյունավետ գործընկերություն՝ իրականացնելու իր ձգտումները փոխշահավետ համագործակցության, խաղաղության և զարգացման համար՝ ՄԱԿ-ի կանոնադրության շրջանակում համապարփակ բազմակողմանիության ամրապնդման միջոցով:
Թարգմանությունը՝ Տաթև Ֆռանգյանի
