14.10.2024 | 20:13
Եթե Ավինյանը չհամաձայնի արտահերթ ընտրությունների գնալ, կստացվի՝ օդի մեջ հայտարարություն է արել. Մանուկ Սուքիասյան. ՏԵՍԱՆՅՈՒԹ
ԵՄ-ն ընդլայնել է Իրանի դեմ պատժամիջոցները՝ ՌԴ-ին ռազմական օգնություն տրամադրելու համար
Քաղաքականություն
14.10.2024 | 17:48
ԵՄ Խորհուրդը երկուշաբթի հավանություն է տվել Իրանի դեմ պատժամիջոցների ընդլայնմանը՝ Ռուսաստանի հետ ենթադրյալ ռազմական համագործակցության համար։ Ցանկում ավելացվել է յոթ անհատ և յոթ կազմակերպություն, ասվում է Խորհրդի հայտարարության մեջ:
Ըստ փաստաթղթի՝ ԵՄ Խորհուրդն այսօր հաստատել է սահմանափակող միջոցներ յոթ ֆիզիկական և յոթ իրավաբանական անձանց նկատմամբ՝ կապված Իրանի կողմից Ռուսաստան հրթիռների և անօդաչու թռչող սարքերի փոխանցման հետ։
Հայտարարության մեջ ԵՄ Խորհուրդը բացատրել է, որ սահմանափակումները, մասնավորապես, կիրառվել են երեք ավիաընկերությունների՝ Saha Airlines-ի, Mahan Air-ի և Iran Air-ի, ինչպես նաև պաշտպանության փոխնախարար Սեյեդ Գալանդարիի և Իսլամական հեղափոխության պահապանների կորպուսի ներկայացուցիչների նկատմամբ:
Պատժամիջոցներն ուժի մեջ են մտնում անմիջապես։ Այդ անձանց արգելվում է մուտք գործել ԵՄ տարածք, և նրանց ակտիվները ենթակա են արգելափակման։ Ընկերություններին սպառնում է ակտիվների արգելափակում. եվրոպական բիզնեսին արգելված է ցանկացած շփում նրանց հետ։
Թարգմանությունը՝ Տաթև Ֆռանգյանի
