16.05.2026 | 14:16
Հայաստան-Թուրքիա սահմանը պետք չէ դարձնել երկնային Երուսաղեմի դարպասները․ Մարուքյան․ ՏԵՍԱՆՅՈՒԹ
Երևանի քաղաքապետարանը էլեկտրաշչակներ կնվիրաբերի Տավուշի մարզին, որոնք Երևանում չեն ապահովում անհրաժեշտ ձայնածածկույթ
14.10.2024 | 14:21
Երևանի քաղաքապետարանը պատրաստվում է համայնքի սեփականություն համարվող թվով 85 էլեկտրաշչակներ նվիրաբերել Տավուշի մարզի Իջևան, Դիլիջան, Նոյեմբերյան և Բերդ խոշորացված համայնքներին բնակչության ազդարարման համակարգը բարելավելու նպատակով։ Որոշման նախագիծն ընդգրկված է ավագանու հերթական նիստի օրակարգում, չզեկուցվող է։
Էլեկտրաշչակների ընդհանուր արժեքը կազմում է 11,927,917.20 հազար դրամ։ Որոշման նախագծի հիմնավորման մեջ նշվում է, որ շչակները Երևանում չեն ապահովում անհրաժեշտ ձայնածածկույթ։
«Որոշման ընդունումը պայմանավորված է 2020 թվականի պատերազմի ընթացքում Երևանի քաղաքապետարանը հրատապության կարգով գնել է թվով 100 Ս-40 տիպի էլեկտրաշչակ: Գնված էլեկտրաշչակները իրենց տեխնիկական տվյալներով համապատասխանել են գնման հայտում ներկայացված պահանջներին, սակայն հաշվի չեն առնվել էլեկտրաշչակների աշխատանքային հնարավորությունները քաղաքային պայմաններում, ինչի հետևանքով գնված շչակները չեն ապահովել անհրաժեշտ ձայնածածկույթ։ 2024 թվականին Երևանի քաղաքապետարանը գնել և փոխարինել է վերոնշյալ 100 էլեկտրաշչակները նորերով, որոնք ապահովում են անհրաժեշտ ձայնածածկույթ»,- նշված է հիմնավորման մեջ։
Նախագիծը ավագանու նիստի ընթացքում չի քննարկվի, քանի որ չզեկուցվող է։
Արփի Հակոբյան
