26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
ԵՄ-ն դատապարտել է Լիբանանում ՄԱԿ-ի խաղաղապահների վրա Իսրայելի հարձակումները
Քաղաքականություն
14.10.2024 | 14:30
Եվրամիության արտաքին քաղաքականության ղեկավար Ժոզեպ Բորելը դատապարտել է և «բոլորովին անընդունելի» է որակել Իսրայելի հարձակումների շարքը, որոնց հետևանքով հարավային Լիբանանում ՄԱԿ-ի խաղաղապահներ են վիրավորվել, գրում է France 24-ը։
«Եվրամիության 27 անդամները պայմանավորվել են դիմել իսրայելցիներին՝ դադարեցնել UNIFIL-ի դեմ հարձակումները։ Բոլորովին անընդունելի է ՄԱԿ-ի զորքերի վրա հարձակումը»,- ասել է Բորելը Լյուքսեմբուրգում դաշինքի արտգործնախարարների հանդիպումից առաջ:
Նշենք, որ առնվազն 5 խաղաղապահներ են վիրավորվել վերջին օրերին Իսրայելի հարձակումներից, որը հարվածներ է հասցնում լիբանանյան «Հըզբոլլահ»-ին։
Լիբանանում ՄԱԿ-ի ժամանակավոր ուժերը (UNIFIL)՝ տարբեր ազգությունների շուրջ 9500 զինվորականների ներգրավմամբ, որը ստեղծվել է 1978 թվականին Իսրայելի կողմից Լիբանան ներխուժելուց հետո, իսրայելական բանակին մեղադրել է իր դիրքերի վրա «կանխամտածված» կրակելու համար:
Հավելենք, որ UNIFIL-ի կազմում նաև ՀՀ խաղաղապահներ կան։
Թարգմանությունը՝ Էմմա Չոբանյանի
