21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Ղրիմում նավթի պահեստում բռնկված հրդեհը 8 պահեստարան է ոչնչացրել
Քաղաքականություն
14.10.2024 | 13:59
Ռուսաստանի կողմից բռնակցված Ղրիմի նավթի ամենամեծ պահեստում, որը չէին կարողանում մարել մի քանի օր շարունակ, այրվել է ութ պահեստարան, ևս չորսը վնասվել է։ The Moscow Times-ի փոխանցմամբ՝ այս մասին հայտնում է ուկրաինական OSINT նախագիծը։
«Հրդեհը վնասել է 12 պահեստարան, ամբողջությամբ ոչնչացվել է 8-ը։ Այրվել են նաև տարածքում գտնվող շենքեր»,- նշում են վերլուծաբանները։
Նրանք տելեգրամյան ալիքներում նաև վնասված բազայի արբանյակային լուսանկարներ են հրապարակել, որոնք ցույց են տալիս, որ բազայի միայն մեկ երրորդն էական վնաս չի կրել։
Ուկրաինայի զինված ուժերը Թեոդոսիայում նավթի պահեստին հարվածել էին հոկտեմբերի 7-ին՝ Ռուսաստանի նախագահ Վլադիմիր Պուտինի ծննդյան օրը։ Խոշոր հրդեհ էր բռնկվել։ Որոշ տեղեկությունների համաձայն՝ հարձակումն իրականացվել է ամերիկյան ATACMS հրթիռներով։ Քաղաքային իշխանությունները շրջանային բնույթի տեխնածին արտակարգ իրավիճակի ռեժիմ էին սահմանել՝ սահմանափակելով մարդկանց և տրանսպորտային միջոցների մուտքը հրդեհային գոտի:
Տարածաշրջանի արտակարգ ծառայությունների տվյալներով՝ հրդեհը 3000 քառակուսի մետր տարածք է ընդգրկել։
Թարգմանությունը՝ Տաթև Ֆռանգյանի
