05.04.2026 | 17:21
Կալինինգրադում առևտրի կենտրոնում բռնկված հրդեհի տարածքը հասել է 1000 քառակուսի մետրի
ԱՄՆ-ն Իսրայելին ՀՕՊ համակարգ կուղարկի զինվորականների հետ միասին՝ այն շահագործելու համար․ Պենտագոն
Քաղաքականություն
14.10.2024 | 15:58
ԱՄՆ-ն Իսրայելին Terminal High Altitude Area Defence (THAAD) ՀՕՊ համակարգեր կուղարկի՝ այն գործարկելու համար անհրաժեշտ զինվորականների հետ միասին։ Այս մասին հայտարարել է Պենտագոնը Վաշինգտոնին ուղղված Իրանի զգուշացումների ֆոնին, որ ամերիկյան ռազմական ուժերը հեռու պահեն Իսրայելից, գրում է France24-ը։
ԱՄՆ պաշտպանության նախարար Լլոյդ Օսթինը THAAD-ի տեղակայումը թույլատրել է նախագահ Ջո Բայդենի հրահանգով, ասվում է Պենտագոնի խոսնակ գեներալ-մայոր Փեթ Ռայդերի հայտարարության մեջ։ Նա նշել է, որ համակարգը կօգնի ուժեղացնել Իսրայելի հակաօդային պաշտպանությունը ապրիլին և հոկտեմբերին Իրանի բալիստիկ հրթիռային հարձակումներից հետո:
Համարվում է, որ Իսրայելը ռազմական պատասխան է պատրաստում հոկտեմբերի 1-ին տեղի ունեցած իրանական հարձակմանը, երբ Իրանն արձակել էր շուրջ 180 հրթիռ։
Թարգմանությունը՝ Էմմա Չոբանյանի
