09.09.2026 | 16:31
«Մեր ժամանակների հերոսը» թանկացել է․ 395 հազար դոլար՝ «Դոմինո վիդեո փրոդաքշն»-ին
Ֆրանսիայի և Իրանի նախագահները Լիբանանում հրադադարի հասնելու ուղիներն են քննարկել
Քաղաքականություն
14.10.2024 | 13:00
Իրանի նախագահ Մասուդ Փեզեշքիանն ու Ֆրանսիայի նախագահ Էմանունել Մակրոնը հեռախոսազրույցում քննարկել են «իսրայելական ռեժիմի պատերազմի ֆոնին Լիբանանում հրադադարի հասնելու ուղիները», հաղորդում է իրանական Mehr գործակալությունը։
Հեռախոսազրույցում Փեզեշքիանն ասել է, որ «Իրանը միշտ ցանկացել է անվտանգ տարածաշրջան՝ հեռու պատերազմներից և ողջունել հրադադարը, պատերազմի ու հակամարտությունների դադարեցումը, մինչդեռ սիոնիստները ցույց են տվել, որ ուշադրություն չեն դարձնում ոչ մի հումանիտար շրջանակի ու միջազգային օրենքների և սաստկացնում են իրենց հանցագործությունները»։
«Իրանը կողջունի և կաջակցի տարածաշրջանում խաղաղություն և կայունություն ստեղծելու ցանկացած առաջարկ։ Մենք կոչ ենք անում Ֆրանսիային միանալ եվրոպական երկրների ջանքերին՝ ստիպելու սիոնիստական ռեժիմին դադարեցնել ցեղասպանությունն ու հանցագործությունները Գազայում և Լիբանանում։ Մենք դրական ենք գնահատում Ֆրանսիայի կառավարության վերջին դիրքորոշումները՝ Լիբանանում սիոնիստական ռեժիմի գործողությունները դատապարտելու և այդ ռեժիմին զենքի ուղարկումը դադարեցնելու կոչերի վերաբերյալ»,- ասել է Իրանի նախագահը։
Թարգմանությունը՝ Էմմա Չոբանյանի
