14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Զելենսկին մեղադրել է Հյուսիսային Կորեային զորք ուղարկելու համար
Քաղաքականություն
14.10.2024 | 10:46
Ուկրաինայի նախագահ Վլադիմիր Զելենսկին հայտարարել է, որ Հյուսիսային Կորեան սկսել է օգնել Ռուսաստանին ոչ միայն զենքով, այլև զորքով, գրում է BBC-ի ռուսական ծառայությունը։
«Մենք տեսնում ենք, որ դաշինքը Ռուսաստանի և այնպիսի ռեժիմների միջև, ինչպիսին Հյուսիսային Կորեան է, աճում է։ Խոսքն արդեն միայն զենքի փոխանցման մասին չէ։ Խոսքը փաստացիորեն օկուպանտի ռազմական ուժեր Հյուսիսային Կորեայից մարդկանց տեղափոխելու մասին է»,- ասել է Զելենսկին իր երեկոյան տեսաուղերձում։
Սա պահանջում է Ուկրաինայի հարաբերությունների խորացում արևմտյան գործընկերների հետ, հավելել է նա։
Հյուսիսային Կորեան բացահայտորեն աջակցում է Ռուսաստանի դիրքորոշումը հակամարտությունում, սակայն հերքում է Մոսկվային զենք մատակարարելը։ Արևմտյան կառավարությունները և Ուկրաինայի իշխանությունները բազմիցս խոսել են դրանց մասին, ընդ որում որպես կատարված փաստ:
Վերջին մի քանի շաբաթվա ընթացքում Ուկրաինայի և Հարավային Կորեայի ներկայացուցիչները պնդում են, որ ԿԺԴՀ-ն սկսել է ռազմաճակատ ուղարկել նաև մարդկանց։ Կրեմլն այս պնդումները կեղծ է անվանել։
Թարգմանությունը՝ Տաթև Ֆռանգյանի
