23.06.2026 | 22:01
Պայթյուն Թուրքիայի զինամթերքի պահեստներից մեկում. կան զոհեր
ՀՀ ԱԳ փոխնախարարն ու Հունգարիա-Հայաստան բարեկամական խմբի պատվիրակությունը քննարկել են Հայաստան-ԵՄ գործընկերության օրակարգի հարցեր
Քաղաքականություն
12.10.2024 | 16:53
ՀՀ ԱԳ նախարարի տեղակալ Պարույր Հովհաննիսյանն ընդունել է Հունգարիայի խորհրդարանի Հունգարիա-Հայաստան բարեկամական խմբի նախագահ Միհայ Բալլայի ղեկավարած պատվիրակությունը: Այս մասին տեղեկացնում են ՀՀ ԱԳՆ-ից։
«Հանդիպման ընթացքում կողմերը քննարկել են երկկողմ օրակարգի հարցերի լայն շրջանակ՝ ընդգծելով հարաբերությունների հետագա զարգացման անհրաժեշտությունը երկկողմ հետաքրքրություն ներկայացնող ոլորտներում: Ընդգծվել է այս ուղղությամբ միջխորհրդարանական կապերի դերն ու ակնկալիքները, երկու խորհրդարաններում գործող բարեկամական խմբերի միջոցով նախաձեռնությունների իրականացման կարևորությունը:
Կողմերը անդրադարձ են կատարել Հայաստան-ԵՄ գործընկերության ընդգրկուն և հավակնոտ օրակարգի մի շարք հարցերի՝ հաշվի առնելով նաև ԵՄ Խորհրդում Հունգարիայի նախագահությունը։
Մտքեր են փոխանակվել նաև միջազգային օրակարգին առնչվող արդի հարցերի շուրջ»,- ասված է հաղորդագրության մեջ:
