26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
«Փաստերը խեղաթյուրելու փորձ»․ Բաքուն արձագանքել է ՀՀ վարչապետի ելույթին
Քաղաքականություն
12.10.2024 | 15:58
Ադրբեջանի ԱԳՆ-ն 2020 թվականի նոյեմբերի 10-ի եռակողմ հայտարարության վերաբերյալ Հայաստանի վարչապետ Նիկոլ Փաշինյանի հայտարարությունները փաստերը խեղաթյուրելու փորձ է որակել․ փոխանցում է 1news.az-ը։
«Հաղորդակցությունների բացման հարցի վերաբերյալ ՀՀ վարչապետի հայտարարությունները՝ հղում կատարելով Եռակողմ հայտարարությանը, ևս մեկ անգամ ցույց են տալիս Հայաստանի ղեկավարության ստանձնած պարտավորությունների անտեսումը»,- ասել է Ադրբեջանի ԱԳՆ խոսնակ Այխան Հաջիզադեն։
ԱԳՆ պաշտոնական ներկայացուցիչը նշել է, որ Եռակողմ հայտարարության 9-րդ կետում հստակ նշված է Հայաստանի պարտավորությունները՝ բացելու հաղորդակցությունները, և թե ինչ ձևով է կազմակերպվելու տրանսպորտային հաղորդակցությունների վերահսկողությունը։
Հիշեցնենք՝ «Խաղաղության խաչմերուկ. միավորելով անվտանգությունն ու ժողովրդավարությունը» համաժողովում Փաշինյանն ասել էր․ «Փաստն այն է, որ Ադրբեջանն ուզում է, որ Հայաստանի ճանապարհները օգտագործելի լինեն իր համար, բայց միևնույն ժամանակ Հայաստանը շարունակի մնալ շրջափակման մեջ։ Սա ինքնին անտրամաբանական մոտեցում է, Հայաստանի համար ընդունելի չէ»։
