23.06.2026 | 22:01
Պայթյուն Թուրքիայի զինամթերքի պահեստներից մեկում. կան զոհեր
ԵՄ-ն հետաձգել է սահմանային ավտոմատացված համակարգի գործարկումը
Քաղաքականություն
11.10.2024 | 23:27
Եվրամիությունը հետաձգել է նոյեմբերին Շենգենյան գոտու երկրների սահմաններում երրորդ երկրների քաղաքացիների գրանցման ավտոմատացված սահմանային համակարգի գործարկումը:
Գերմանիան, Ֆրանսիան և Նիդե8լանդները պատրաստ չեն, այսպես կոչված, մուտքի և ելքի համակարգի (EES) գործարկմանը, հայտարարել է ԵՄ ներքին գործերի հանձնակատար Իլվա Յոհանսոնը Լյուքսեմբուրգում Եվրամիության երկրների ներքին գործերի նախարարության ղեկավարների հանդիպման արդյունքներով, գրում է DW-ի ռուսական ծառայությունը։
Բացի այդ, համակարգը չի կարող գործարկվել այնպես, ինչպես նախապես պլանավորվել էր՝ նոյեմբերի 10-ին, քանի որ eu-Lisa գրասենյակը, որը պատասխանատու է այս գործընթացի համար, պատրաստ չէ դրան: Նոր ժամկետ դեռ նշանակված չէ, հավելել է Շվեդիայից եվրահանձնակատարը և հույս հայտնել, որ դա տեղի կունենա որքան հնարավոր է՝ շուտ։
Յոհանսոնի խոսքով՝ Եվրահանձնաժողովն աջակցում է նոր համակարգին փուլային անցմանը, համաձայն որի՝ այն նախ կիրականացվի միայն ընտրված սահմանային անցակետերում։ Համակարգի ներդրման որոշումը կայացվել էր 2017 թվականին։
Թարգմանությունը՝ Տաթև Ֆռանգյանի
