07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Իրանի նախագահը հույս ունի ՌԴ-ի հետ գործընկերության համաձայնագիր ստորագրել
Քաղաքականություն
11.10.2024 | 18:26
Իրանի նախագահ Մասուդ Փեզեշքիանը Թուրքմենստանում «Ժամանակների և քաղաքակրթությունների հարաբերությունները՝ խաղաղության և զարգացման հիմքը» միջազգային համաժողովի շրջանակում Ռուսաստանի նախագահ Վլադիմիր Պուտինի հետ հանդիպմանը հույս է հայտնել, որ Իրանի և Ռուսաստանի միջև ռազմավարական գործընկերության համաձայնագիրը կստորագրվի Կազանում ԲՐԻԿՍ-ի գագաթնաժողովի ընթացքում, հայտնում է Իրանի նախագահի մամուլի ծառայությունը։
«Իրանի և Ռուսաստանի միջև ռազմավարական գործընկերության մասին պայմանագրի շուտափույթ ստորագրման հույս հայտնելով՝ նախագահն ընդգծել է համագործակցության զարգացման անհրաժեշտությունը և այդ փաստաթղթի եզրափակման ակնկալիք հայտնել ՌԴ-ում անցկացվելիք ԲՐԻԿՍ-ի գագաթնաժողովին մասնակցության ժամանակ»,- ասվում է հաղորդագրությունում։
Հիշեցնենք, որ այսօր առաջին անգամ Աշխաբադում հանդիպել են Վլադիմիր Պուտինն ու Իրանի նորընտիր նախագահ Մասուդ Փեզեշքիանը։
Թարգմանությունը՝ Տաթև Ֆռանգյանի
