18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Թրամփը հաղթում է Հարիսին ընտրողների աջակցության մակարդակով․ Rasmussen Reports
Քաղաքականություն
11.10.2024 | 20:43
Rasmussen Reports-ի հարցման համաձայն՝ ԱՄՆ նախագահի հանրապետական թեկնածու Դոնալդ Թրամփը ընտրողների աջակցությամբ 2 տոկոսային կետով առաջ է իր դեմոկրատ մրցակից Քամալա Հարիսից։ Նախկին նախագահին աջակցում է հարցման մասնակիցների 48%-ը, իսկ Հարիսին՝ 46%-ը։
Հարցվածների 3%-ն ասել է, որ ընտրություններում քվեարկելու է այլ թեկնածուի օգտին, ևս 3%-ը չի կողմնորոշվել ընտրության հարցում։ Սոցիոլոգիական ընկերությունը հետազոտությունն անցկացրել է հոկտեմբերի 6-ից 9-ն ընկած ժամանակահատվածում, հարցմանը մասնակցել է 2,2 հազար մարդ։
Թրամփը հինգերորդ շաբաթն է՝ գլխավորում է Rasmussen Reports-ի հարցումները։ Մի քանի ուսումնասիրությունների արդյունքներ, որոնք անցկացվել են սեպտեմբերին և հոկտեմբերի սկզբին, ցույց են տվել, որ ամերիկացիների 49%-ը կքվեարկեր հանրապետական թեկնածուի, մինչդեռ 47%-ը՝ դեմոկրատ Քամալա Հարիսի օգտին։
Այլ հարցումների մեծ մասը բոլորովին այլ պատկեր է ցույց տալիս։ Օրինակ, ըստ սոցիոլոգիական հետազոտությունների ագրեգատորի, Թրամփը զիջում է Քամալա Հարիսին միջինը 2-3 տոկոսային կետով։ The FiveThirtyEight ագրեգատորը ցույց է տալիս, որ, ըստ միջին ցուցանիշների, ԱՄՆ Դեմոկրատական կուսակցության թեկնածուն հանրապետականից առաջ է անցել 2,4%-ով։
Դոնալդ Թրամփի և Քամալա Հարիսի առաջին բանավեճը տեղի է ունեցել սեպտեմբերի 10-ին։ CNN-ի և SSRS-ի հետագա հարցման արդյունքների համաձայն՝ դեմոկրատ թեկնածուն հաղթում է, նրան աջակցել է հարցվածների 63%-ը։
Թրամփը հայտարարել է, որ դա «երբևէ եղած լավագույն բանավեճն էր», բայց հրաժարվել է մասնակցել երկրորդ փուլին՝ պնդելով, թե դա Հարիսի համար հնարավորություն կլինի բարելավելու իր դիրքերը մրցավազքում:
Թարգմանությունը՝ Տաթև Ֆռանգյանի
