09.09.2026 | 18:30
Թմրանյութ կուլ տալով փախե՞լ է, թե՞ խոշտանգվել․ փաստաբանի ահազանգի հետքերով․ ՏԵՍԱՆՅՈւԹ
Հայտնի է դարձել Ուկրաինայի համար նախատեսված Mirage կործանիչների թիվը
Քաղաքականություն
11.10.2024 | 15:28
Ֆրանսիան Ուկրաինային կարող է փոխանցել մինչև 20 Mirage 2000-5F կործանիչ։ Մատակարարումները կսկսվեն 2025 թվականի առաջին եռամսյակում, հայտնել է Avions Legendaires-ը:
«Ըստ տարբեր աղբյուրների՝ 12-ից 20 Mirage 2000-5F կործանիչներ Ֆրանսիան կմատակարարի պատերազմող Ուկրաինային հաջորդ տարի։ Զինված ուժերի նախարարը նախանշել է առաջին եռամսյակը, այսինքն՝ 2025 թվականի հունվարի 1-ից մինչև մարտի 30-ը»,- ասվում է հաղորդագրության մեջ։
Նշվում է, որ ինքնաթիռները ներկայում գտնվում են «արդյունաբերական փուլում»՝ դրանք ավելի «ունիվերսալ» դարձնելու համար: Mirage 2000-5F-ը մաքուր կործանիչները կձևափոխեն երկնային պարեկության համար նախատեսված բազմաֆունկցիոնալ ինքնաթիռի:
Միաժամանակ, հիմնական փոփոխություններից է լինելու SCALP-EG թևավոր հրթիռը կրելու և արձակելու հնարավորությունը, որն արդեն ծառայության մեջ է Ուկրաինայի զինված ուժերում։
Ավելի վաղ հայտնի էր դարձել, որ ուկրաինացի օդաչուների առաջին խումբը վերապատրաստումն ավարտել է Ֆրանսիայում։ Նրանք մարզվել են Alpha Jet-ով:
Հիշեցնենք, որ հունիսի 6-ին Ֆրանսիայի նախագահ Էմանուել Մակրոնը հայտարարել էր Mirage-2000 ինքնաթիռն Ուկրաինա տեղափոխելու մասին, ըստ նրա, նախատեսվում է օդաչուների պատրաստման ծրագիր։ Սակայն նա չի նշել Mirage 2000-ի ճշգրիտ թիվը, որը կարող է ստանալ Ուկրաինան։
Թարգմանությունը՝ Տաթև Ֆռանգյանի
