13.12.2024 | 14:22
Պեսկովը հայտնել է, որ Պուտինի և Փաշինյանի հանդիպում Մոսկվայում չի նախատեսվում
Տղամարդը ողջ է մնացել «Միլթոն» փոթորկի ժամանակ՝ օվկիանոսում սառնարանից բռնված մնալով. ՏԵՍԱՆՅՈՒԹ
Քաղաքականություն
11.10.2024 | 16:42
«Միլթոն» փոթորկի ժամանակ օվկիանոս քշված տղամարդուն փրկել են. նա Մեքսիկական ծոցում մեկ օր շարունակ բռնված է մնացել լողացող սառնարանից։ Այս մասին հայտնում է The Guardian-ը:
Նրա ձկնորսական նավը խորտակվել է փոթորկի՝ Ֆլորիդայի ափերին հասնելուց մի քանի ժամ առաջ։ Տղամարդուն հաջողվել է կապ հաստատել առափնյա անվտանգության ծառայության հետ, ինչից հետո կապը կորել է։ Մեկ օր անց փրկարարները նրան հայտնաբերել են ափից 48 կիլոմետր հեռավորության վրա։
«Այդ մարդը ողջ է մնացել սարսափելի պայմաններում, որոնք կարող էին մարտահրավեր լինել նույնիսկ ամենափորձառու նավաստիներին»,- ասել է առափնյա պահպանության ծառայության խոսնակ Դանա Գրեդին։
Բացի այդ, Մեքսիկայի ափերից 100 կմ հեռավորության վրա շրջված նավի մեջ հայտնաբերվել է ևս մեկ մարդ։ Ֆլորիդայի նահանգապետ Ռոն ԴեՍանտիսի խոսքով՝ փրկարարական աշխատանքների ընթացքում 340 մարդ ու 49 ընտանի կենդանի է փրկվել։
Թարգմանությունը՝ Տաթև Ֆռանգյանի
