26.06.2026 | 16:54
Մահացել է ՌԴ պաշտպանության նախկին նախարար Սերգեյ Իվանովը
Պահանջում ենք COP 29-ին բարձրացնել հայ գերիների հարցը. Գեղամ Ստեփանյան․ ՏԵՍԱՆՅՈՒԹ
Հասարակություն
11.10.2024 | 12:55
ՄԱԿ-ի հայաստանյան գրասենյակի մոտ մի քանի տասնյակ քաղաքացիներ բողոքի ակցիա իրականացրին, որի նպատակը Ադրբեջանում կայանալիք ՄԱԿ-ի Կլիմայի փոփոխության համաժողովին (COP29) ընդառաջ հայ պատանդների, գերեվարված անձանց, անհետ կորածների ճակատագրերի հարցը բարձրացնելն է։
«Մենք նկատում ենք, որ որքան մոտենում է համաժողովի օրը, այնքան միջազգային դաշտում այս հարցով ակտիվություն նկատվում է։ Սա ժամանակահատված է, որ աշխարհի ուշադրությունը դեպի Ադրբեջան է տանելու, և մենք պետք է այս ընթացքում պարտադրենք Ադրբեջանին կատարել միջազգային մարդասիրական իրավունքի դրույթները։ Հայաստանը պետք է առավել ակտիվ քայլեր ձեռնարկի միջազգային հարթակներում այս կարևոր հարցը բարձրաձայնելու համար»,-ակցիայի ընթացքում ասաց Արցախի մարդու իրավունքների պաշտպան Գեղամ Ստեփանյանը։
Ակցիայի մասնակիցներն իրենց պահանջներն ամփոփող նամակ հանձնեցին ՄԱԿ-ի գրասենյակի աշխատակցին։
