26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
Թուրքիան Ալբանիային զգալի թվով կամիկաձե ԱԹՍ-ներ կտրամադրի
Քաղաքականություն
11.10.2024 | 17:05
Թուրքիան Ալբանիային «զգալի» թվով կամիկաձե անօդաչու թռչող սարքեր կտրամադրի։ Այս մասին հայտարարել է Ալբանիայի վարչապետ Էդի Ռաման, հայտնում է Թուրքիայի նախագահականին առընթեր հաղորդակցության վարչությունը։
«Դա նվեր է, որը գալիս է որպես ուժեղ ուղերձ Թուրքիայի Հանրապետության կողմից, որ Ալբանիան անառիկ է»,- ասել է Ռաման Էրդողանի մեկօրյա այցի ժամանակ համատեղ մամուլի ասուլիսում։
Երկրի կառավարության խոսնակը, որի հետ կապվել է Reuters-ը, չի կարողացել այլ մանրամասներ տրամադրել անօդաչու թռչող սարքերի քանակի կամ տեսակի մասին:
Ռաման նաև ասել է, որ թուրքական կամիկաձե անօդաչուների անորոշ քանակի ձեռքբերումը չի նշանակում, որ «Ալբանիան հարձակվելու է որևէ մեկի վրա»։
Արևմտյան Բալկանների երկրների մեծ մասը, այդ թվում՝ Ալբանիան, սկսել են արդիականացնել իրենց բանակն այն բանից հետո, երբ Ռուսաստանը 2022 թվականին ներխուժեց Ուկրաինա:
Ալբանիան և Թուրքիան ՆԱՏՕ-ի անդամներ են։ Տիրանան արդեն ձեռք է բերել թուրքական արտադրության «Բայրաքթար» հետախուզական և հարվածային անօդաչուներ։
Թարգմանությունը՝ Էմմա Չոբանյանի
