21.02.2026 | 18:08
Հունգարիան արգելափակել է Ուկրաինային ԵՄ-ի կողմից 90 մլրդ եվրո վարկի հատկացումը
«Միլթոն» փոթորկի ավերածությունները Ֆլորիդայում․ առնվազն 16 զոհ կա․ ՏԵՍԱՆՅՈՒԹ
Քաղաքականություն
11.10.2024 | 14:23
ԱՄՆ-ում «Միլթոն» փոթորկի զոհերի թիվը հասել է առնվազն 16-ի, հաղորդում է CBS News-ը:
3-րդ կարգի «Միլթոն» փոթորիկը հոկտեմբերի 9-ին հասել է Ֆլորիդայի արևմտյան ափին՝ Սիեստա Քիի մոտակայքում: Զոհվածներից 6-ը Սենթ Լուիս շրջանից են, որտեղ տեղի է ունեցել շուրջ 10 տորնադո, 4-ը Վոլուսիա շրջանից են, երկուսը՝ Սենթ Փիթերսբուրգից և մեկը՝ Ցիտրուս շրջանից։
Ֆլորիդայի նահանգապետ Ռոն Դեսանտիսի խոսքով՝ շուրջ 1000 մարդ փրկվել է։
PowerOutage.us-ի տվյալների համաձայն՝ ավելի քան 2,6 միլիոն մարդ մինչ այժմ Ֆլորիդայում մնացել է առանց էլեկտրականության։ Այնուամենայնիվ, ԱՄՆ Արտակարգ իրավիճակների կառավարման դաշնային գործակալության (FEMA) ադմինիստրատոր Դին Քրիսվելն ասել է, որ փոթորկի ազդեցությունն այնքան ավերիչ չի եղել, որքան սպասվում էր։
«Մենք չբախվեցինք վատագույն սցենարի ծայրահեղ հետևանքների հետ, որին պատրաստվում էինք, բայց, միևնույն է, շատ մարդիկ են տուժել դրանից»,- ասել է նա հոկտեմբերի 10-ին կայացած ճեպազրույցում։
Հիշեցնենք, որ «Միլթոն» փոթորիկը հարվածել է Ֆլորիդայի ափերին Սիեստա Քի քաղաքի մոտ՝ քամու արագությունը հասել է ավելի քան 190 կմ/ժ-ի:
Թարգմանությունը՝ Տաթև Ֆռանգյանի
