18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Հյուսիսային Կորեան միջուկային սուզանավ է կառուցում․ Հարավային Կորեայի հետախուզություն
Քաղաքականություն
11.10.2024 | 22:24
Հյուսիսային Կորեան (ԿԺԴՀ), հավանաբար, սկսել է նոր սուզանավ կառուցել։ Այն կաշխատի միջուկային վառելիքով։ Այս մասին հայտնում է War Zone-ը՝ վկայակոչելով հարավկորեական հետախուզությանը։
Հարավային Կորեայի ռազմական հետախուզության գործակալության զեկույցում նշվում է, որ շինարարական նախագիծը գտնվում է վաղ փուլում: Նավը, հավանաբար, կառուցվում է Պոնգդա սուզանավերի գործարանում: Պարբերականի տվյալներով՝ այն զգալիորեն ավելի մեծ կլինի, քան նախկինում Հյուսիսային Կորեայի հավաքածները, սակայն դրա ստույգ չափսերն ու այլ մանրամասներ հայտնի կդառնան ավելի ուշ։
«Հարավային Կորեայի զինվորականների եզրակացությունը, որ նոր սուզանավը կարող է միջուկային լինել, հիմնված է, հավանաբար, դրա չափերի վրա, քանի որ դեռևս չկա հանրային ապացույց, որ Հյուսիսային Կորեան ստեղծել է համապատասխան միջուկային ռեակտոր նման սուզանավի համար: Այնուամենայնիվ, Փհենյանի ղեկավարությունը հայտարարություններ արել է, որ նախատեսում է միջուկային էներգիայով սուզանավ կառուցել»,- գրում է The War Zone-ը։
Հայտնի է, որ Հյուսիսային Կորեայի առաջնորդ Կիմ Չեն Ընը դեռևս 2021 թվականի հունվարին հայտարարել էր, որ «նոր միջուկային սուզանավի նախագծումն ուսումնասիրվել է և գտնվում է վերջնական ստուգման փուլում»։ Նա նաև ընդգծել է, որ արդեն ավարտվել են տարբեր տեսակի զենքերի ու սենսորների նախագծման աշխատանքները։
Թարգմանությունը՝ Տաթև Ֆռանգյանի
