07.10.2026 | 16:04
Ադրբեջանն Ուկրաինային հերթական մարդասիրական օգնությունն է ուղարկել
Թուրքիայի տրանսպորտի նախարարը «Զանգեզուրի միջանցքի» շուրջ իրավիճակի մասին է խոսել
Քաղաքականություն
11.10.2024 | 12:32
Թուրքիայի տրասնպորտի և ենթակառուցվածքների նախարար Ադբուլքադիր Ուրալօղլուն gdh TV-ի փոդքասթում անդրադարձել է, այսպես կոչված, «Զանգեզուրի միջանցքի» շուրջ զարգացումներին։ Նա, մասնավորապես, նշել է, որ «Զանգեզուրի միջանցքը» Բաքու-Թբիլիս-Կարս երկաթգծի այլընտրանքային տարբերակն է, որը կմեծացնի դրա թողունակությունը։ Այն անցնելու է Կասպից ծովով, Ադրբեջանով դեպի Հայաստան կամ Իրան, այնտեղից էլ Նախիջևան, Դիլուջու, Իգդիր, Կարս։
Ուրալօղլուն ասել է, որ Ադրբեջանում կարևոր հատվածների կառուցումն ավարտվել է, Նախիջևանում գտնվող գծի վերականգնման աշխատանքները սկսվելու են, Թուրքիայի կողմում 224 կմ-ի համար մրցույթն արվել է, հաջորդ տարի արդեն սկսելու են աշխատանքները։
«Իրանո՞վ, թե՞ Հայաստանով է անցնելու, բանակցությունները վարում է Ադրբեջանը։ Իրանի դեպքում սկզբում բավական առաջընթաց կար, հայկական կողմում էլ զարգացում կա, առաջիկայում պարզ կդառնա»,- նշել է Թուրքիայի տրասպորտի նախարարը՝ հավելելով, որ պետք է «ամենակարճ ճանապարհով Ադրբեջանին, թուրքական աշխարհին կապվեն»։
Թարգմանությունը՝ Էմմա Չոբանյանի
