11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ԱՄՆ-ը կարծում է, որ Ուկրաինայի ԶՈՒ-ն կկարողանա ամիսներ շարունակ պահել Կուրսկի տարածքները. Bloomberg
Քաղաքականություն
10.10.2024 | 15:55
ԱՄՆ-ի գնահատականներով՝ ուկրաինական բանակն ի վիճակի է մի քանի ամիս շարունակ, եթե ոչ ավելի երկար, իր վերահսկողության տակ պահել ՌԴ Կուրսկի շրջանում գրաված տարածքները։ Այս մասին հայտնում է Bloomberg-ը՝ հղում կատարելով իր աղբյուրներին։
Ըստ Վաշինգտոնի՝ ուկրաինական զորքերը շուրջ մեկ ամիս տևած պակասուրդից հետո սկսել են ավելի կայուն հրետանային արկեր ստանալ:
Bloomberg-ը նշում է, որ ավելի կայուն մատակարարումը մասամբ պայմանավորված է դաշնակիցների՝ ԱՄՆ-ի, Ֆրանսիայի և Չեխիայի ջանքերով։ Գործակալության աղբյուրները Վաշինգտոնում հայտնել են, որ Ուկրաինան փորձում է որոշել, թե ինչպես պաշտպանվել ձմռանը, և սկսել է պլանավորել հաջորդ տարին:
Կուրսկի շրջանում մարտերը շարունակվում են օգոստոսի սկզբից։
Թարգմանությունը՝ Տաթև Ֆռանգյանի
