08.10.2026 | 15:33
Նորմալ չէ, իշխանական կառույցներն օգտագործվում են որպես քարոզչական գործիք ընդդիմադիրների դեմ. Քոչարյան․ ՏԵՍԱՆՅՈՒԹ
Զելենսկին Լոնդոնում է․ բանակցություններ են ընթանում Մեծ Բրիտանիայի վարչապետի հետ
Քաղաքականություն
10.10.2024 | 13:49
Ուկրաինայի նախագահ Վլադիմիր Զելենսկին այցով ժամանել է Լոնդոն, որտեղ մեկնարկել են նրա բանակցությունները Մեծ Բրիտանիայի վարչապետ Քիր Սթարմերի հետ, գրում է BBC-ի ռուսական ծառայությունը։
Մեծ Բրիտանիայի կառավարության ղեկավարը Զելենսկիին դիմավորել է Դաունինգ սթրիթ 10 հասցեում գտնվող իր նստավայրի մուտքի մոտ։ Ուկրաինայի և Մեծ Բրիտանիայի ղեկավարները մամուլի համար հայտարարություններ չեն արել։
Զելենսկին Լոնդոնում հանդիպելու է նաև ՆԱՏՕ-ի գլխավոր քարտուղար Մարկ Ռյուտեի հետ։
Սա Զելենսկիի արդեն երկրորդ այցն է Դաունինգ Սթրիթ Սթարմերի վարչապետ ընտրվելուց հետո։ Բացի այդ, նախատեսվում է Ուկրաինայի նախագահի այցը Փարիզ, որտեղ Ելիսեյան պալատում նրան կընդունի նախագահ Էմանուել Մակրոնը։
Ըստ ոչ պաշտոնական տեղեկությունների՝ Զելենսկիին ուրբաթ սպասում են Բեռլինում, որտեղ նա բանակցություններ է անցկացնելու կանցլեր Օլաֆ Շոլցի և նախագահ Ֆրանկ-Վալտեր Շտայնմայերի հետ։
Թարգմանությունը՝ Էմմա Չոբանյանի
