09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
ՌԴ-ում Յակ-130 մարտական ուսումնական ինքնաթիռ է կործանվել
Քաղաքականություն
10.10.2024 | 13:36
Ռուսաստանի հարավում Յակ-130 մարտական ուսումնական ինքնաթիռ է կործանվել։ Այն կործանվել է Կալմիկիայի և Վոլգոգրադի շրջանի սահմանին։ Այս մասին հայտնում է ՌԻԱ Նովոստին՝ վկայակոչելով արտակարգ իրավիճակների ծառայությունները։
Նշվում է, որ ինքնաթիռն ուսումնական թռիչք էր իրականացրել։
Լրատվամիջոցի տվյալներով՝ վթարը տեղի է ունեցել Վոլգոգրադի մարզում, իսկ ահա 112 տելեգրամ-ալիքը նշում է, որ տեղի է ունեցել Կալմիկիայում՝ Էլիստայից 40 կմ հեռավորության վրա։
Օդաչուն հասցրել է դուրս նետվել, նա ուղղաթիռով տեղափոխվել է Վոլգոգրադի հիվանդանոց։
Յակ-130-ը երկտեղանոց մարտական ուսումնական ինքնաթիռ է, որը նախատեսված է օդաչուների ուսուցման և մարտական պատրաստության, ինչպես նաև օդային և ցամաքային թիրախների դեմ օգտագործելու համար։ Այն կարող է մինչև 3000 կգ մարտական բեռ կրել։
Թարգմանությունը՝ Էմմա Չոբանյանի
