22.11.2024 | 20:16
Ֆրանսիայի արտաքին գործերի նախարարությունն ի գիտություն է ընդունել Նեթանյահուի նկատմամբ ՄՔԴ-ի կալանավորման օրդերը
Թուրքիան իր քաղաքացիներին նավերով տարհանել է Լիբանանից
Քաղաքականություն
10.10.2024 | 12:42
Թուրքիան Լիբանանից տարհանել է իր քաղաքացիներին։ Արտաքին գործերի և պաշտպանության նախարարությունների համակարգմամբ Իսրայելի հարձակման տակ գտնվող Լիբանանից Թուրքիա են տեղափոխվում խաղաղ բնակիչներ, որոնց մեծ մասը Թուրքիայի քաղաքացիներ են, հաղորդում են տեղական լրատվամիջոցները։
Երկրի ռազմածովային ուժերի TCG Bayraktar և TCG Sancaktar նավերը, որոնք նախօրեին մարդասիրական օգնություն են տեղափոխել Լիբանան, այն բեռնաթափել են Բեյրութի նավահանգստում: Ուղեբեռի ստուգումից հետո մարդկանց տեղափոխել են նավեր։
Թուրքիայի ԱԳ նախարար Հաքան Ֆիդանը սոցիալական ցանցի իր միկրոբլոգում նշել է, որ քաղաքացիների տարհանման նավերը շարժվում են դեպի Թուրքիա։
«Նախագահ Ռեջեփ Թայիփ Էրդողանի ցուցումով մեր նավերը, որոնք անվտանգ տարհանել են Լիբանանի մեր քաղաքացիներին և մարդասիրական օգնություն հասցրել եղբայրական Լիբանանին, լքել են Բեյրութը և մեկնել Մերսին։ Մեր երկիրը կշարունակի օգնության ձեռք մեկնել տարածաշրջանի ժողովրդին տարածաշրջանում Իսրայելի պատերազմի հետևանքով առաջացած հումանիտար ճգնաժամի պայմաններում և ամեն քայլ կձեռնարկի արտերկրում գտնվող իր քաղաքացիների կյանքի և ունեցվածքի անվտանգությունը պաշտպանելու համար»,-նշել է Ֆիդանը։
Թարգմանությունը՝ Էմմա Չոբանյանի
